Dagbók stjörnufræðikennara – Kennsluvika 10 – vor 2014
Hér að neðan er óformleg lýsing á kennsluviku í stjörnufræði við Menntaskólann í Reykjavík vorið 2014. Öllum er frjálst að nota og breyta efni sem hér birtist. Mikið af þessu efni ætti að geta nýst við kennslu á efsta stigi og miðstigi grunnskóla.
Um dagbókina
Hér er sagt frá einni kennsluviku í stjörnufræði við Menntaskólann í Reykjavík veturinn 2013-2014.
Hulduefni
Ég sagði nemendum frá hulduefni (sem við vitum mjög lítið um en getum greint þyngdaráhrifin frá því) og í framhaldinu fjallaði ég um árekstur Vetrarbrautarinnar okkar og Andrómeduvetrarbrautarinnar eftir nokkra milljarða ára.
-
Myndskeið 2 um Byssukúluþyrpinguna - dreifing á gasi (sem sameinast á milli þyrpinganna), vetrarbrautum og hulduefni (sem fylgir vetrarbrautunum)
-
Næturhimininn eins og hann gæti litið út við áreksturinn við Andrómeduvetrarbrautina - við horfum alltaf í átt að miðju Vetrarbrautarinnar okkar í miðju myndbandsins
Nemendur teiknuðu upp vetrarbrautir á skólalóðinni
Í einni kennslustundinni fórum við út í síðari hluta tímans og teiknuðum með krítum upp helstu vetrarbrautir í kringum Vetrarbrautina okkar.