Dagbók stjörnufræðikennara – Kennsluvika 12 – haust 2013
Hér að neðan er óformleg lýsing á kennsluviku í stjörnufræði við Menntaskólann í Reykjavík haustið 2013. Öllum er frjálst að nota og breyta efni sem hér birtist. Mikið af þessu efni ætti að geta nýst við kennslu á efsta stigi og miðstigi grunnskóla.
Um dagbókina
Hér er sagt frá einni kennsluviku í stjörnufræði við Menntaskólann í Reykjavík veturinn 2013-2014.
Merkúríus
Ég fjallaði um innstu reikistjörnuna og lagði sérstaka áherslu á hægan snúning og hreyfingu hennar umhverfis sólina. Samspil þessara þátta veldur því að einn sólarhringur á yfirborðinu er eins og tvö Merkúrár. Einnig getur það gerst að sólin snúi við á himinum.
Venus
Í umfjöllun minni um Venus lagði ég upp með að bera saman hvað væri líkt og ólíkt með henni og jörðinni. Eðlilega lagði ég mesta áherslu á lofthjúpinn og sögu hans.