Dagbók stjörnufræðikennara – Kennsluvika 6 – vor 2014
Hér að neðan er óformleg lýsing á kennsluviku í stjörnufræði við Menntaskólann í Reykjavík vorið 2014. Öllum er frjálst að nota og breyta efni sem hér birtist. Mikið af þessu efni ætti að geta nýst við kennslu á efsta stigi og miðstigi grunnskóla.
Um dagbókina
Hér er sagt frá einni kennsluviku í stjörnufræði við Menntaskólann í Reykjavík veturinn 2013-2014.
Cosmos þáttur um endalok stjarna
Fastur liður í umfjöllun um stjörnur og endalok þeirra er að sýna þáttinn „The Lives of The Stars“ í upprunalegu Cosmos-þáttaröðinni.
Ævilok hámassa stjarna
Stjörnur sem eru í upphafi 8-10 sinnum massameiri en sólin enda ævi sína sem sprengistjörnur og mynda svo nifteindastjörnur eða svarthol. Ég fjallaði um endalok þessara stjarna og hvernig þær leika lykilhlutverk í að auðga umhverfi sitt í Vetrarbrautinni með frumefnum sem eru þyngri en vetni og helín.