Mynd vikunnar

Dafnis er 8 km breitt tungl innan í Keeler-geilinni í hringum Satúrnusar. Þegar Dafnis snýst í kringum Satúrnus dregur þyngdarkraftur tunglsins ís- og rykagnir hringanna með sér og ýtir öðrum á undan svo bylgjumynstur verður til eins og gárur á vatni. Sjá má fáeina gíga og sléttur á yfirborðinu sem og hrygg við miðbauginn. Myndin var tekin 16. janúar síðastliðin úr 28.000 km hæð og er sú besta sem tekin hefur verið af þessu litla tungli.

Mynd: NASA/JPL-Caltech/Space Science Institute

Hér sést Stóri rauði bletturinn, eitt helsta einkenni Júpíters, stærstu reikistjörnu sólkerfisins. Myndin var sett saman úr gögnum frá Juno geimfari NASA sem aflað var 11. desember 2016. Geimfarið flaug þá í þriðja sinn nálægt Júpíter og var í 458.000 km fjarlægð þegar myndin var tekin.

Mynd: NASA/JPL-Caltech/SwRI/MSSS/Roman Tkachenko

Hinn 20. nóvember 2016 var HiRISE sjónaukanum á Mars Reconnaissance Orbiter geimfari NASA beint að Jörðinni og Mánanum hennar. Þegar myndin var tekin var Jörðin í 203 milljón km fjarlægð frá Mars. Hvíti ljósbletturinn á suðurhvelinu er Suðurskautslandið en rauðleita „eyjan“ þar fyrir ofan er Ástralía. Efst glittir svo í suðaustur Asíu.

Mynd: NASA/JPL-Caltech/Univ. of Arizona

Hér sést Pandóra, eitt af tunglum Satúrnusar. Þetta er besta mynd sem tekin hefur verið af tunglinu til þessa en hana tók Cassini geimfarið hinn 18. desember 2016 úr 40.500 km fjarlægð. Pandóra er aðeins 84 km á breidd. Það hringsólar um Satúrnus rétt fyrir utan F-hringinn.

Hér sést Kerberos, næstminnsta tunglið af fimm tunglum Plútós, á mynd sem tekin var hinn 14. júní 2015 með LORRI myndavélinni á New Horizons geimfarinu.